Tsakure
Samar da hanyar kawo zaman lafiya da lumana da kawo hanyoyin magance matsalar tsaro da ta ƙi ci ta ƙi canyewa a jahar Zamfara, su suka fi ɗaukar hankulan masana da manazarta fannoni daban-daban na ilimi. Wannan maƙala ta dubi yadda sadarwa take gudana da ‘Yan ta’adda a Zamfara ta hanyar musayar waya a matakai daban-daban. Binciken ya gano cewa a kan samu yarjejeniya ta waya don neman masalaha ko sulhu ko kuma don neman kuɗin fansa. Bugu da ƙari an fahimci cewa daba ita ce mafakar ɓarayi kuma a can ne suke yin musayar waya tare da taimakon ‘yan rahoton ɓarayi. An saurari musayar waya tsakanin ‘yan ta’adda da jami’an gwamnati da kuma sarakuna wanda aka naɗa ta waya. An fitar da mafarin ta’addanci da zantukan barazana da ƙabilun ‘yan ta’adda da kashe-kashe da hijira da ƙorafe-ƙorafen ‘yan ta’adda. Sakamakon bincikiken ya tabbatar da cewa nazarin musayar waya da ‘yan ta’adda zai taimakawa mahukunta da jami’an tsaro wajen kawo ƙarshen ta’addanci a Zamfara. Har wa yau, an ba da shawarar a yi amfani da hanyar binciken laifuka ta kimiyar harshe.
Fitilun Kalmomi: Zamfara, Zaman Lafiya, Waya, TsaroDOI: https://dx.doi.org/10.36349/tjllc.2022.v01i01.016
author/Umar, M.A. & Bashir, A.
journal/Tasambo JLLC | 20 Dec. 2022 | P. 153-164
pdf-https://drive.google.com/file/d/1cqMMf8vx8CDPOYfmgGz_vNbJp4nRTIYC/view?usp=share_link
paper-https://drive.google.com/file/d/1cqMMf8vx8CDPOYfmgGz_vNbJp4nRTIYC/view?usp=share_link
