Tsakure
Hanyoyin sada Zumunta na zamani wato (social media), sun kasance wani dandamali na isar da saƙonni da kuma sada zumunci a cikin sauri da kuma sauƙi a tsakanin Hausawa da al’ummu daban-daban da ke fadin duniya. Kasancewar Hausawa kamar sauran al’ummar duniya ne sun samu kansu a wani sabon yanayi na amfani da kafar sadarwa na zamani kamar facebook da watsapp da tuwita da tiktok da sauransu. Hakan ya ba su damar isar da saƙo a cikin sauri ba tare da wata wahala ba. Wajen ganin an cim ma wannan ƙudiri binciken, an waiwaye yadda Bahaushe yake isar da saƙonsa a gargajiyance da kuma sauyen da ya samu a yanzu. Kafin haka za mu dubi ma'anar labarin ƙarya da ma’anar kafofin sadarwa na zamani. Wannan maƙala ta nazarci wasu hanyoyi da kafafen sadarwa na zamani suke bi domin isar da saƙonnin ƙarya a cikin al’ummar Hausawa. A ƙoƙarin ganin an kai gaci a wannan binciken an bi hanyoyin ziyarar ɗakunan ajiye littattafai na jami’o’i da kuma shafukan intanet musamman na BBC Hausa da RFI Hausa da kuma VOA Hausa. Sannan an yi amfani da ra’in alamomin rayuwar al’umma wato (Social Semiotics Theory). Binciken ya gano yadda kafofin sada zumunta na zamani suke yaɗa labaran ƙarya, da kuma hanyoyin da suke bi wajen yaɗa labaran ƙarya da kuma illolin da yaɗa labaran ƙarya suke haifarwa a cikin al’ummar Hausawa.
Fitilun Kalmomi: Ƙarya, Labarai, Dandalin Sada ZumuntaDOI: https://dx.doi.org/10.36349/tjllc.2022.v01i01.026
author/Garba, A. And Mu’azu, A.
journal/Tasambo JLLC | 20 Dec. 2022 | P. 235-242
pdf-https://drive.google.com/file/d/1xEC8aLFtJIDzO0If3yWsqrxNUnblCl1t/view?usp=share_link
paper-https://drive.google.com/file/d/1xEC8aLFtJIDzO0If3yWsqrxNUnblCl1t/view?usp=share_link
